Me ceremoninë e organizuar në stadiumin e Mariborit të Sllovenisë, është hapur edhe zyrtarisht Festivali Olimpik Evropian për të Rinj (EYOF) Maribor 2023.
Në parakalimin e ekipit tonë, flamurin e bartën, xhudistja Laurina Gashi dhe notari, Arion Budima.
Festivali do të zgjatë deri më 29 korrik, ndërsa pjesëmarrëse janë 48 shtete me mbi tre mijë sportistë të moshave 14-18 vjeç.
Kosova po përfaqësohet me 19 sportistë të pesë sporteve: xhudo, atletikë, not, tenis dhe çiklizëm.
