Gjatë qëndrimit disa ditorë në Kosovë, në kuadër të përgatitjeve të master planit dhe dokumenteve tjera strategjike relevante për Lojërat Mesdhetare Prishtina 2030, grupi rajonal i koordinimit dhe këshillimit të kompanisë me renome ndërkombëtare “RC Advisory Group Limited”, vizitoi disa prej objekteve sportive për të parë gjendjen momentale të tyre.
Të shoqëruar edhe nga drejtuesit e Komitetit Organizativ të Lojërave Mesdhetare Prishtina 2030 (OCMG), vizituan stadiumin “Adem Jashari” në Mitrovicë, stadiumin “Fadil Vokrri” në Prishtinë, Pallatin e Rinisë dhe Sportit në Prishtinë, Qendrën e Studentëve në Prishtinë, sheshin “Skënderbeu” dhe “Zahir Pajaziti” në Prishtinë.
Krahas vizitave ata zhvilluan takime edhe me anëtarët e Komitetit Organizativ të LM Prishtina 2030 (OCMG).
