+383 38 222 223 / [email protected]

KOK dhe Ambasada e Francës në Kosovë organizuan punëtorinë “Climate Fresk” për basketbollin

KOK në bashkëpunim me Ambasadën e Francës në Kosovë, dhe nën udhëheqjen e organizatës “Climate Awareness Association”, ka mbajtur punëtorinë e radhës “Climate Fresk”, e cila ka për qëllim  vetëdijesimin e popullatës për shkaktarët dhe pasojat e ndryshimeve klimatike.


Punëtoria u mbajt me stafin e Federatës së Basketbollit të Kosovës, ku e pranishme ishte edhe Elvira Dushku, sekretare e përgjithshme e FBK-së.


Koordinatorja e projektit, Rejhan Halili, foli për qëllimin dhe rëndësinë që ka organizimi i punëtorive të tilla.

Kjo punëtori po organizohet për herë të katërt nga KOK-u, si pjesë për implementimin të projektit të Erasmus Plus “OCEAN”, ku liderë është EOC-u.


Pjesëmarrësit ishin mjaft aktiv dhe të gatshëm që njohuritë e tyre nga ky trajnim t’i implementojnë në zyret e FBK-së, gjatë ngjarjeve dhe garave vendore e ndërkombëtare.