Komiteti Olimpik i Kosovës ka publikuar të enjten rezultatet e dala nga kategorizimi i sporteve, sportistëve dhe trajnerëve për vitin 2020.
Federatat, sportistët dhe trajnerët janë vlerësuar nga komisioni përkatës i Komitetit Olimpik të Kosovës.
Edhe këtë herë në kategorinë A ndodhen gjashtë federata, derisa prinë sërish xhudo, e ndjekur nga futbolli, karate, hendbolli, volejbolli dhe basketbolli.
Ndryshimet më të mëdha kanë ardhur në kategorinë B dhe atë kryesisht për shkak të sukseseve të sportistëve. Mundja dhe boksi nga kategoria C kanë kaluar në B, sikurse tenisi, ndërsa skitaria nga B ka dalë në C.
Krahas mundjes, boksit, e tenisit, kategorinë B e përbëjnë edhe atletika, pingpongu, noti dhe sporti shkollor. Në kategorinë C janë 16 federata, ndërsa në atë D katër sporte.
Listës së kategorizimit të sportistëve iu prinë sërish kampionia Olimpike, Majlinda Kelmendi, me 100 pikë, ndërsa xhudistët tjerë si: Nora Gjakova, Distria Krasniqi e Loriana Kuka, kanë nga 60 pikë. Lista vazhdon me sportistw tjerw tw kwtij sporti, derisa të kategorizuar janë edhe sportistët e suksesshëm të karatesë, boksit, atletikës e bodybuildingut.
Xhudo prinë edhe tek kategorizimi i trajnerëve, ku primatin e mbanë trajneri kampion Olimpik, Driton Kuka, që këtë herë ka grumbulluar 212.50 pikë. Pasojnë Besim Brahimi (boks) 27.50 e Shqipe Zogiani (karate) 25 pikë.
Drejtuesit e KOK-ut, presidenti Besim Hasani dhe sekretari i përgjithshëm, Shasivar Haxhijaj, theksuan se në shumicën e federatave ka pasur ngritje në pikë.
“Na gëzon fakti që gjithnjë e më pak ka ankesa në rezultatet që dalin nga kategorizimi, andaj shpresojmë që këto kategorizime do t’ua lehtësojnë punën federatatve dhe vetë sportistëve e trajnerëve”, deklaroi ndër të tjera presidenti Hasani në konferencën për shtyp.
Kryetari i komisionit për kategorizimin e sporteve, sportistëve dhe trajnerëve, Shasivar Haxhijaj, tha se 33 federata janë kategorizuar, ndërsa federata e minigolfit dhe golfit nuk janë kategorizuar, kurse bjeshkataria alpiniste nuk ka aplikuar.
Sipas tij, ndryshimi i federatatave ka ardhur kryesisht për shkak të rezultateve të sportistëve të tyre në arenën ndërkombëtare.
Ky është viti i tretë që KOK bënë kategorizimin e sporteve, sportistëve dhe trajnerëve.
Në bazë të vlerësimit të pikëve të fituara, Ministria për Kulturë Rini e Sport, do të ndajë buxhetin për federatat gjatë vitit 2020, sikurse që do të ndahen mjete për sportistët dhe trajnerët gjatë këtij viti, bazuar në poentimin e marrë në kategorizim.
KATEGORIZIMI I SPORTEVE 2020
KATEGORIA A
Federata e Xhudos e Kosovës 86.40 pikë
Federata e Futbollit e Kosovës 79.28 pikë
Federata e Karatesë e Kosovës 78.46
Federata e Hendbollit e Kosovës 76.05
Federata e Volejbollit e Kosovës 74.59
Federata e Basketbollit e Kosovës 74.55
KATEGORIA B
Federata e Boksit e Kosovës 66.54 pikë
Federata e Mundjes e Kosovës 66.29 pikë
Federata e Atletikës e Kosovës 64.28
Federata e Sportit Shkollor të 58.55
Federata e Pingpongut të Kosovës 58.10
Federata e Notit e Kosovës 57.99
Federata e Tenisit e Kosovës 50.00
KATEGORIA C
Federata e Gjimnastikës e Kosovës 47.72 pikë
Federata Skitare e Kosovës 46.19 pikë
Federata e Taekwondosë e Kosovës 45.69
Federata e Shahut e Kosovës 41.65
Federata e Badmintonit e Kosovës 41.63
Federata Shenjëtarisë Sportive 41.58
Federata e Triatlonit e Kosovës 41.26
Federata e Ragbit e Kosovës 40.64
Federata Shigjetare e Kosovës 40.41
Federata e Çiklizmit e Kosovës 40.10
Federata e Sportit Universitar 39.04
Federata e Bodybuildingut 38.91
Federata e Peshëngritjes 35.96
Federata e Boëlingut e Kosovës 35.42
Federata e Autosporteve 34.79
Federata Aeronautike e Kosovës 31.27
KATEGORIA D
Federata e Kickboxit e Kosovës 28.23 pikë
Federata e Muaythait e Kosovës 25.28
Federata e Bilardos e Kosovës 22.65
Federata Sportive e Punëtorëve 20.70
Federata e Minigolfit e Kosovës 18.88
KATEGORIZIMI I SPORTISTËVE
Majlinda Kelmendi (xhudo) 100 pikë
Distria Krasniqi (xhudo) 60 pikë
Loriana Kuka (xhudo) 60
Nora Gjakova (xhudo) 60
Akil Gjakova (xhudo) 45
Egzon Shala (mundje) 35
Laura Fazliu (xhudo) 30
Shpat Zeka (xhudo) 25
Alvin Karaqi (karate) 25
Fortesa Orana (karate) 25
Patriot Behrami (boks) 25
Erza Muminoviq (xhudo) 20
Flaka Loxha (xhudo) 20
Albulena Gërvalla (karate) 20
Elhami Shabani (karate) 20
Kushtrim Bajraktaraj (bodybuild) 17.5
Muhamet Ramadani (atletikë) 15
Musa Hajdari (atletikë) 15
Besart Pireva (boks) 15
Shpëtim Bajoku (boks) 15
Betim Maliqi (karate) 11.5
Benjamin Shabani (sporti universitar) 10
Granit Kuleta (bodybuilding) 10
Tringa Krasniqi (taekwondo) 10
Don Berisha (taekwondo) 10
Fatjona Kasapi (xhudo) 5
Besart Maxharraj (bodybuilding) 5
Aldon Sadiku (bodybuiding) 3.75
KATEGORIZIMI I TRAJNERËVE
Driton Kuka (xhudo) 212.50 pikë
Besim Brahimi (boks) 27.50 pikë
Shqipe Zogiani (karate) 25 pikë
Sylejman Shala (mundje) 17.50
Blerim Hajdari (karate) 15
Isak Curri (karate) 10
Zijadin Kryeziu (atletikë) 7.50
Shaban Ramadani (atletikë) 7.50
Agron Tusuni (karate) 5.625
Nuhi Gashi (taekwondo) 5
Arsim Agushi (taekwondo) 5
Esat Lata (bodybuilding) 2.50
Xhevat Asllani (bodybuilding) 1.875
