Nën udhëheqjen e presidentit të KOK-ut, Ismet Krasniqi, është mbajtur takimi i parë i Komitetit Organizativ të Lojërave Mesdhetare (OCMG) Prishtina 2030.
Në takim, KOK u përfaqësua edhe me sekretarin e përgjithshëm Besim Aliti dhe nënpresidentin Milaim Kelmendi, komuna e Prishtinës me kryetarin Përparim Rama dhe përfaqësuesin Vllaznim Osmani, MKRS me Fidan Shatrin, u.d. drejtor ekzekutiv i Agjencisë për Sport dhe Atifete Jakupaj.
Përmes platformës online i pranishëm ishte sekretari i përgjithshëm I ICMG, Iakovos Filipoussis.
Në takim u diskutuan temat:
- Prezantimi i anëtarëve të OCMG Prishtina 2030
- Paraqitja e udhëzimeve të ICMG deri më 29 korrik 2025
- Informim mbi dispozitat e marrëveshjes së Qytetit Mikpritës dhe obligimet e OCMG
- Informacione mbi Rregulloren e Brendshme të OCMG
- Informacione mbi procesin e financimit të OCMG sipas Marrëveshjes së Mirëkuptimit (MoU) me MKRS
- Logo dhe identiteti vizual i Prishtina 2030
- Diskutim mbi planifikimin e pikave të menjëhershme të veprimit të OCMG sipas MoU dhe letrave të dërguara nga ICMG
- Menaxhimi administrativ i OCMG
- Çështje të ndryshme
