Ekipi olimpik i Kosovës do të marrë pjesë në Festivalin Olimpik Evropian Dimëror për të Rinj (EYOF) “Bakuriani 2025”, që prej 9 deri më 16 shkurt 2025 mbahet në Gjeorgji.
Ekipi ynë përbëhet nga skitarët e skijimit alpin: Klara Sefaj dhe Andi Pupovci, të cilët do të garojnë në disiplinat e sllallomit dhe sllallomit të madh.
Bashkë me skitarët do të udhëtojnë edhe trajnerët, Ernest Sefaj dhe Naser Dedija, si dhe shefi i misionit, Jeton Rudari.
⛷️🇽🇰Two alpine skiers, Klara Sefaj and Andi Pupovci, will represent #Kosova at the Winter #EYOF @Bakuriani2025 .
— NOC KOSOVO 🥇🥇🥇🥈🥉 (@NOCKOSOVO) February 4, 2025
They will compete in the Slalom and Giant Slalom disciplines. Best of luck! #TeamKosova #Bakuriani2025 #KosovaSki pic.twitter.com/OEePDGcfZt
Ekipit i kanë uruar suksese sot edhe drejtuesit e KOK-ut, presidenti Ismet Krasniqi, sekretari i përgjithshëm, Besim Aliti dhe nënpresidenti Milaim Kelmendi, njëherit kryetar i Federatës Skitare të Kosovës.
Për ekipin tonë është hera e katërt që përfaqësohet në EYOF-in dimëror, në të cilin marrin pjesë sportistët më të mirë të Evropës, të moshës 14-18 vjeç.




