Një e artë dhe një e bronztë është bilanci i medaljeve të fituara nga ekipi olimpik i xhudos në Grand Slamin e mbajtur në Paris të Francës.
Kampionia olimpike, Distria Krasniqi, fitoi medaljen e artë në kategorinë -52 kilogramë. Ajo arkëtoi edhe 1 mijë pikë olimpike, për t’u forcuar edhe më shumë në vendin e parë të renditjes botërore dhe olimpike.
![](https://noc-kosovo.org/wp-content/uploads/2024/02/Distria-1024x683.jpg)
“Parisi tashmë mirë e fuqishëm e njeh Kosovën tonë! Edhe një herë shqip në ‘Bercy Paris’ kësaj radhe Distria e artë! Performancë e bukur e Disit, në garën më të bukur me përplot shikues me siguri mbi 15 mijë!”, shkroi trajneri Driton Kuka për të artën e Krasniqit.
Akil Gjakova fitoi medaljen e bronztë në kategorinë -73 kilogramë, duke shkëlqyer me pesë fitore në një konkurrencë tejet të fortë. Ai fitoi edhe 500 pikë olimpike.
![](https://noc-kosovo.org/wp-content/uploads/2024/02/424589373_1402440547098118_2681215087945346048_n-978x1024.jpg)
Në të njëjtën kategori, Dardan Cena, pati njërën prej paraqitjeve më të mira në karrierë, duke shënuar tri fitore radhazi, por që më pas u ndalë në çerekfinale dhe në repesazh. Cena doli i shtati.
E suksesshme ishte edhe Nora Gjakova, e cila ishte e pafat në luftën për të bronztën, duke përfunduar në vendin e pestë të kategorisë -57 kg. Në këtë kategori garoi edhe Flaka Loxha, e cila u ndal në raundin e tretë.
Pengesë e pakalueshme e raundit të tretë ishte edhe për Shpati Zekajn (-100 kg) dhe Loriana Kukën (-78 kg) dhe Laura Fazliun (-63 kg), e cila nuk e kishte ditën më të mirë të saj. Të tre shënuan nga një fitore.
![](https://noc-kosovo.org/wp-content/uploads/2024/02/424539603_1401892517152921_1307761643842253034_n-1024x683.jpg)
![](https://noc-kosovo.org/wp-content/uploads/2024/02/distria2-1024x683.jpg)
![](https://noc-kosovo.org/wp-content/uploads/2024/02/akilii-1024x683.jpg)
![](https://noc-kosovo.org/wp-content/uploads/2024/02/akilgjakova-1024x683.jpg)
![](https://noc-kosovo.org/wp-content/uploads/2024/02/flamuri2.jpg)