Komiteti Olimpik i Kosovës ka mbajtur mbrëmë Asamblenë e Punës, në të cilën pikë e vetme e rendit të ditës ishte miratimi i ndryshimeve statutare të KOK-ut, të cilat kanë ardhur si rezultat i harmonizimit të statutit të KOK-ut dhe federatave sportive me Ligjin e ri për Sport, rekomandim ky i dalë nga Ministria për Kulturë, Rini e Sport.
Të pranishëm në Asamble ishin 51 delegatë prej 91 sosh, të cilët unanimisht miratuan ndryshimet statutare.
Me një fjalë hyrëse, presidenti i KOK-ut, Ismet Krasniqi, falënderoi asambleistët për praninë e tyre, si dhe përfaqësuesit e MKRS-së, por edhe komisionin e pavarur zgjedhor, të cilët monitoruan Asamblenë. Asambleja u mbajt online.
