Akademia Olimpike e Kosovës (AOK), e cila vepron në kuadër të Komitetit Olimpik të Kosovës është bërë sot anëtare me të drejta të plota në Akademinë Olimpike të Evropës (EOA).
Vendimi u mor në Asamblenë e Përgjithshme të EOA-së, të mbajtur sot online. Me 19 vota pro, asnjë kundër dhe dy abstenime, AOK u bë anëtarja e 29-të e EOA-së.
Pjesëmarrës në Asamble ishin edhe udhëheqësitë e AOK-ut, Fitim Arifi dhe Diellza Kelmendi, të cilët para votimit bënë një prezantim të Akademisë Olimpike të Kosovës.
Dy muaj më parë, AOK ishte bërë anëtar edhe i Akademisë Olimpike Ndërkombëtare.
AOK është themeluar në tetor të vitit të kaluar.
