Me ftesë të Ambasadorit të Mbretërisë së Bashkuar në Kosovë, Jonathan Hargreaves, presidenti i KOK-ut, Ismet Krasniqi, së bashku me ministrin e Sportit dhe Rinisë, Blerim Gashani dhe kryetarin e Prishtinës, Përparim Rama, zhvilluan një seri takimesh të rëndësishme në Londër.
Delegacioni pati takime me kompani prestigjioze që kanë kontribuar në organizimin e Lojërat Olimpike Londra 2012, si dhe vizitoi fshatin olimpik dhe infrastrukturën sportive, duke marrë përvoja të vlefshme për zhvillimin e sportit në Kosovë.
Gjatë qëndrimit, delegacioni zhvilloi edhe takime institucionale dhe me përfaqësues të sportit britanik, duke diskutuar mundësitë e bashkëpunimit dhe aplikimin e praktikave më të mira ndërkombëtare në menaxhimin dhe zhvillimin e infrastrukturës sportive.
Po ashtu, u theksua rëndësia e trashëgimisë së qëndrueshme sportive, duke marrë si shembull modelin e Londrës, ku investimet olimpike vazhdojnë të shërbejnë për komunitetin dhe sportistët e rinj.
Kjo vizitë theksoi rëndësinë e bashkëpunimit institucional për realizimin e projekteve madhore, me fokus të veçantë në Lojërat Mesdhetare Prishtina 2030 dhe ndërtimin e një trashëgimie të qëndrueshme sportive për vendin.
