Me rastin e shënimit të 10 Tetorit – Dita Botërore e Shëndetit Mental, Komiteti Olimpik i Kosovës (KOK), ka organizuar sot seminarin e 2-të për shëndetin mental në sport, në të cilin morën pjesë rreth 40 trajnerë të federatave të ndryshme sportive.
Ligjëruese ishte psikologia ndërkombëtare nga Sllovenia, Andreja Holsedl, ish-sportiste e çiklizmit rrugor, e cila përmes bashkëbisedimit interaktiv me të pranishmit, shpalosi përvojën e saj me sportistë të ndryshëm, duke kontribuar në ngritjen e nivelit të trajnerëve tanë në raport me sportistët e tyre.
Në hapje të seminarit, të mbajtur në Hotel Sirius në Prishtinë, presidenti i KOK-ut, Ismet Krasniqi, që shoqërohej nga nënpresidenti, Gazmend Maxhuni, foli për rëndësinë që ka një seminar i tillë për trajnerët në Kosovë, për të cilët tha se krahas punës së tyre, kryejnë edhe punë tjera në klub, përfshirë këtu edhe punën e psikologut.
Një prezantim të shkurtër e kishte edhe koordinatorja e vlerave olimpike në Akademinë Olimpike, Diellza Kelmendi, e cila para të pranishmëve prezantoi vlerat olimpike dhe sukseset tona në Lojërat Olimpike.
![](https://noc-kosovo.org/wp-content/uploads/2023/10/AQ4I4786-scaled.jpg)
![](https://noc-kosovo.org/wp-content/uploads/2023/10/AQ4I4558-1024x683.jpg)
![](https://noc-kosovo.org/wp-content/uploads/2023/10/AQ4I4526-1024x683.jpg)
![](https://noc-kosovo.org/wp-content/uploads/2023/10/AQ4I4527-1024x683.jpg)
![](https://noc-kosovo.org/wp-content/uploads/2023/10/AQ4I4596-1024x683.jpg)
![](https://noc-kosovo.org/wp-content/uploads/2023/10/AQ4I4726-1024x683.jpg)
![](https://noc-kosovo.org/wp-content/uploads/2023/10/AQ4I4543-1024x683.jpg)
![](https://noc-kosovo.org/wp-content/uploads/2023/10/AQ4I4606-scaled.jpg)
![](https://noc-kosovo.org/wp-content/uploads/2023/10/AQ4I4738-1024x683.jpg)
![](https://noc-kosovo.org/wp-content/uploads/2023/10/AQ4I4751-1024x683.jpg)
![](https://noc-kosovo.org/wp-content/uploads/2023/10/AQ4I4822-1024x683.jpg)
![](https://noc-kosovo.org/wp-content/uploads/2023/10/AQ4I4827-1024x683.jpg)