Për tri ditë me radhë, në qytetin Louvain-La-Neuve të Belgjikës, po mbahet kursi i avansuar evropian për administratorë të sportit S2ABC, të cilin krahas 30 vendeve të Evropës, po e vijojnë edhe pjesëmarrës nga Kosova.
KOK-un në Bruksel po e përfaqëson drejtori për financa, Endrit Syla, ndërsa nga federatat tona sportive janë edhe: Artina Hasani e Granit Rugova (basketboll), Valon Nikçi (volejboll) dhe Gresa Bakraqi (atletikë).
Kursi organizohet nga organizata ndërkombëtare EOSE, ndërsa po financohet nga programi i Bashkimit Evropian: “Shkëmbimi dhe mobiliteti në sport”.
Temat kryesore të programit janë: Menaxhimi i projekteve, financat dhe burimet njerëzore.
Dy modulet e ardhshme mbahen në nëntor dhe dhjetor, ndërsa diplomimi do të bëhet në Kosovë, gjatë muajit mars 2024.
Gjate kursit u realizua vizita në Parlamentin Evropian, ku u zhvillua takimi me komisionin për sport dhe programet Erasmus +. Po ashtu, u zhvillua edhe vizita në Komitetin Olimpik të Belgjikës, ku u pritën nga presidenti, Jean Michel Saive dhe menaxheri për marrëdhënie ndërkombëtare, Mathias Van Boelen.
Në emër të drejtuesve të KOK-ut, presidentit Ismet Krasniqi dhe sekretarit të përgjithshëm, Besim Aliti, drejtori për financa, Syla, ndau dhurata për presidentin e KO të Belgjikës, Saive.
![](https://noc-kosovo.org/wp-content/uploads/2023/09/382452289_1330790157596491_8037136597992904603_n-768x1024.jpg)
![](https://noc-kosovo.org/wp-content/uploads/2023/09/380645278_1330790254263148_3794084720890532883_n-1024x575.jpg)
![](https://noc-kosovo.org/wp-content/uploads/2023/09/382466678_1330790187596488_1290996266170755208_n-768x1024.jpg)
![](https://noc-kosovo.org/wp-content/uploads/2023/09/380658048_1330790280929812_1751734978961649200_n-768x1024.jpg)