KOK-u përmes komisionit “Femra dhe Sporti” ka organizuar edicionin e 7-të të konferencës “Barazia Gjinore dhe Diversiteti”, e cila këtë herë u zhvillua me temën “Loja e barabartë – gratë në udhëheqje”.
Qëllimi i kësaj konference ishte të promovojë dhe nxisë rritjen dhe përfshirjen e vajzave dhe grave në sport, si dhe në fusha të ndryshme.
Konferenca u mbajt në Bibliotekën Kombëtare “Pjetër Bogdani”, në të cilën morën pjesë përfaqësues të shumtë të federatave sportive, MKRS, deputetë të Kuvendit të Kosovës, Komuna e Prishtinës, Fakultetit të Edukimit Fizik dhe Sportit, studentë, etj.
Në fjalën hyrëse, folën presidenti i KOK-ut, Ismet Krasniqi, anëtarja e komisionit “Femra dhe Sporti”, Vjollca Krasniqi, drejtori i Departamentit të Sportit në MKRS, Ibër Alaj dhe drejtori i sportit në komunën e Prishtinës, Kushtrim Mushica.
Paneli, që vinte nga komuniteti i biznesit dhe sportit, përbëhej nga: Linda Shala, biznesmene dhe kontribuuese në sport, Ermal Sadiku themelues i “Link Plus It”, Jennifer Laësson nga Ambasada e SHBA-ve në Prishtinë, Vesa Rezniqi Pallaska, drejtoreshë për Çështje Gjinore dhe Gjithë përfshirje Sociale në organizatën “Milenium Challenge Account Kosovo”, Valon Canhasi, themelues i agjencisë së marketingut “Hallakate”, Sanije Krasniqi nga FFK dhe olimpistja e LO Paris 2024, notarja Hana Bejiqi.
Panelistët nga biznesi folën për shembujt e mirë që ka biznesi në lidhje me barazinë gjinore, praktika këto që mund të kontribuojnë edhe në sport, derisa komuniteti i sportit foli për rolin dhe fuqizimin e vajzave në sport.
Të gjithë të pranishmit patën mundësinë që përmes pyetësorit online të përgjigjen në pyetje të ndryshme për barazinë gjinore.
