Ministria e Sportit dhe Rinisë ka miratuar kërkesën e Komitetit Olimpik të Kosovës (KOK) për shpërblimin e medalistëve dhe trajnerëve kosovarë për sukseset e arritura në Lojërat Mesdhetare Taranto 2026.
KOK-u e vlerëson këtë vendim dhe shpreh mirënjohjen për ministrin e Sportit dhe Rinisë, Blerim Gashani, për mbështetjen e dhënë ndaj sportistëve dhe trajnerëve tanë.
Krahas shpërblimit nga Ministria, Komiteti Olimpik i Kosovës do të ndajë 24 mijë euro për medalistët dhe trajnerët e tyre, sipas këtyre shumave:
Medalistët e artë – 3,000 €
Medalistët e argjendtë – 2,000 €
Medalistët e bronztë – 1,000 €
Trajnerët do të përfitojnë 50% të shumës së shpërblimit të medalistit përkatës.
Ky shpërblim vjen si vlerësim për rezultatet e sportistëve dhe trajnerëve kosovarë në Taranto 2026, ku Kosova u përfaqësua me sukses dhe siguroi medalje në disa sporte.