Ish-presidenti i Komitetit Olimpik të Kosovës, Besim Hasani, është emëruar President Nderi i KOK-ut.
Hasani ka udhëhequr lëvizjen olimpike në Kosovë për 25 vjet (1996 – 2021).
Propozimi i presidentit Ismet Krasniqi dhe Bordit EKzekutiv të KOK-ut, u mirëprit unanimisht nga Asambleja e cila krahas aprovimit nderoi me duartrokitje në këmbë kontributin e ish-presidentit Hasani.
Hasani falënderoi presidentin Krasniqi, Bordin Ekzekutiv dhe të gjithë asambleistët, duke e quajtur epitet të veçantë emërimin e tij “President Nderi”.
