Përfaqësues të federatave sportive dhe gazetar sportivë kanë ndjekur sot trajnimin për inteligjencën artificiale (AI), që u mbajt në kuadër të konferencës vjetore “Sporti dhe Media”.
Vijuesit mësuan për mënyrën e përdorimit të AI në komunikim, menaxhimin më të lehtë të punës, risitë e fundit të AI, e ardhmja etj.
Trajnimi u ligjërua nga Valon Canhasi, ekspert i fushës së AI-së, i cili ndau njohuri dhe shembuj konkretë mbi mënyrën se si teknologjia mund të kontribuojë në modernizimin dhe rritjen e efikasitetit të organizatave sportive, federatave, klubeve, etj.
Një ditë më parë, trajnimi i njëjtë u mbajt edhe me stafin e KOK-ut.
