Organizuar nga Komiteti Olimpik i Kosovës dhe Ministria e Kulturës, Rinisë dhe Sportit, është mbajtur tryeza e katërt për sportin, në të cilën krahas drejtuesve të KOK-ut, presidentit Ismet Krasniqi e sekretarit të përgjithshëm, Besim Aliti, mori pjesë edhe kryeministri i Republikës së Kosovës, Albin Kurti, zëvendësministrja e MKRS-së, Daulina Osmani, drejtuesit e Komitetit Paralimpik të Kosovës dhe federatave sportive.
Rëndësi të veçantë gjatë diskutimit pati edhe prezantimi i protokollit për përfaqësim të Kosovës jashtë vendit dhe prezantimi i konceptit për organizimin e Lojërave Mesdhetare 2030, të cilin e bëri sekretari i përgjithshëm, Besim Aliti.
Një prej pikave të takimit ishte prezantimi i draft konceptit të Projektligjit të Sportit. U paraqitën katër qëllimet kryesore: zhvillimi i sportit; përcaktimi i rregullave të funksionimit dhe organizimit të sportit në Kosovë; detyrat dhe përgjegjësitë e institucioneve dhe organizatave në fushën e sportit; si dhe mbrojtja e të drejtave të të gjithë atyre që përfshihen në veprimtari sportive.
![](https://noc-kosovo.org/wp-content/uploads/2023/06/bkt_baner-2-1024x146.jpg)
Drafti i fundit i strategjisë së parë shtetërore për zhvillimin e sportit, për vitet 2023 – 2030, gjithashtu u prezantua gjatë ditës së sotme.
Faleminderit të gjithë atyre që ishin prezent dhe dhanë idetë e kontributin e tyre në këtë takim, të mbajtur në Prizren
![](https://noc-kosovo.org/wp-content/uploads/2023/06/14_06_2023_2754932_352068254_653052290201503_6934307467339378234_n-1024x683.jpg)
![](https://noc-kosovo.org/wp-content/uploads/2023/06/14_06_2023_13606800_353021068_653051660201566_4385568135059579073_n-1024x683.jpg)
![](https://noc-kosovo.org/wp-content/uploads/2023/06/14_06_2023_10706776_352208562_653052216868177_7644319700417607674_n-1024x683.jpg)
![](https://noc-kosovo.org/wp-content/uploads/2023/06/14_06_2023_7562201_352321185_653052250201507_682300658368513151_n-1024x683.jpg)
![](https://noc-kosovo.org/wp-content/uploads/2023/06/14_06_2023_9418513_352543371_653052096868189_5395706348753206710_n-1024x683.jpg)