Mijëra fëmijë kanë shënuar sot Ditën Olimpike 2024, në sheshin e Prishtinës.
Aktivitetet u organizuan në kuadër të Javës Olimpike dhe pas aktiviteteve të shumta të mbajtura edhe në 25 komuna të Kosovës, ku fëmijë të shumtë shënuan Ditën Olimpike.
Fëmijët zhvilluan aktivitete të ndryshme sportive, si dhe vrapimin olimpik.
Në fjalën hyrëse, presidenti i KOK-ut, Ismet Krasniqi, anëtari i BE, Halil Sylejmani nga Komisioni për Ditën Olimpike dhe drejtori i Departamentit të Sportit në MKRS, Ibër Alaj, folën për rëndësinë që ka shënimi i kësaj dite, duke inkurajuar fëmijët të merren sa më shumë me sport.
