Në prani të anëtarëve të Bordit Ekzekutiv të KOK-ut, presidenti i KOK-ut Besim Hasani dhe drejtori ekzekutiv i Hotel Sirius, Drilon Ahmeti, në zyrën e KOK-ut nënshkruan marrëveshjen e partneritetit që shënon rrugëtimin 5-vjeçar marketing të dy institucioneve.

Procesi u udhëhoq nga presidenti i KOK-ut, Besim Hasani, me konsulencen e dy ekspertëve të marketingut olimpik, Damjan Pintar (Slloveni) dhe Elda Gjoka (Shqipëri) të dërguar nga Solidariteti Olimpik për të asistuar profesionalisht programin e Marketingut të KOK-ut 2016-2020.
Përpara firmosjes, Drilon Ahmeti CEO i Hotel Sirius u shpreh se: “Hotel Sirius dhe familja jonë e ka nderë që të mund të bashkohet mbështetjes për ekipin Olimpik të Kosovës dhe Komitetin Olimpik. E bëjmë me zemër dhe besojmë në vlerat e përbashkëta dhe jam i nderuar të mirëpres këtë bashkëpunim dhe në SIRIUS Hotel do të çmojmë dhe do të shtojmë vlerë për elitat tona sportive dhe vlerat e kombit".

Besim Hasani, presidenti i Komitetit Olimpik të Kosovës, shprehu kënaqësinë për virtytet dhe përkushtimin e konsideratën e drejtuesëve e stafit të Hotel SIRIUS për hyrjen në këtë partneritet. Për 5 vite, ekipi olimpik dhe KOK-u e familja sportive, do të bashkërrugëtojnë në partneritet me SIRIUS Hotel dhe do të ndajmë së bashku krenarinë dhe sukseset e arritjeve të përbashkëta. Shërbimet e këtij hoteli janë dobi dhe cilësi në mbështetje të sukseseve të sportistëve më cilësorë drejt arritjes së medaljes olimpike.

Në mënyrë solemne u duartrokit nga Bordi shtrëngimi i duarëve mes dy drejtuesëve dhe presidenti Hasani i dorëzoi emblemën e logos së kompozuar KOK-Sirius Hotel, partner i Komitetit Olimpik të Kosovës, 2016-2020.