Ditë jo e mirë ka qenë për garuesit tanë dita e dytë e garave në Lojërat Mesdhetare Oran 2022. Sot garuan sportet e karatesë, boksit, tenisit, mundjes dhe gjimnastikës artistike.

Nga afër garat në Lojërat Mesdhetare Oran 2022 po i ndjekën edhe drejtuesit e Komitetit Olimpik të Kosovës me në krye presidentin Ismet Krasniqi, si dhe zëvendësministrja për Kulturë, Rini e Sport, Daulina Osmani, e cila ndodhet në Oran për t’i mbështetur sportistët.

Karate - Karateistët mbyllën garat, me ç’rast sot garuan Fortesa Orana dhe Melos Gashi. Të dy pësuan humbje në raundin e parë. Orana u mund nga

Gashi nuk arriti të kalojë pengesën francize, Dany Makamata, kategoria -84 kg.

Mundja – Egzon Shala dhe Alban Sopa garuan sot, por që asnjëri nuk arriti të kalojë pengesën e parë dhe për të hyrë në zonën e medaljeve. Egzoni u mund nga Ercan Salim, në çerekfinalen e kategorisë -125 kilogramë, ndërsa Sopa humbi nga Jacopo Masotti i Italisë, në çerekfinalen e kategorisë -74 kg.

Tenis – Tenisti Vullnet Tashi nuk arriti të kalojë raundin e parë të garave në tenis. Ai pësoi humbje në prej tunizianit, Aziz Ouakaa 2:0 në sete (6:3, 6:2). Tenistja tjetër, Vesa Gjinaj, garon nesër, pasi sot ishte e lirë, shkaku i kualifikimit me short për në raundin e dytë.

Gjimnastikë artistike – Elvis Çitaku ka garuar në dy disiplinat e gjimnastikës artistike, kapërcime dhe parter. Në të parën performoi mirë dhe mblodhi 11.150 pikë, ndërsa në parter ishte i pafat, pasi u rrëzua, dhe nuk arriti të kalojë tutje për në finale.

Boks - Lorent Murati garoi në garat e boksit, kategoria -57 kg. Boksieri ynë pësoi humbje 2:1 nga siriani, Belal Joukhdar, në rrethin e parë. Ai me pak fat ka mundur ta fitojë meçin.