Media sponsor

Pyeong Chang 2018 - Lojërat Olimpike Dimërore

Hapja 09.02.2018 12:00

Tarragona 2018 - Lojërat Mesdhetare

Hapja 22.06.2018 20:30

Buenos Aires 2018 - Lojërat Olimpike Verore për të rinj

Hapja 06.10.2018 10:00

Sarajevo 2019 - Festivali Olimpik Evropian Dimëror për të rinj

Hapja 09.02.2019 20:00

Minsk 2019 - Lojërat Evropiane

Hapja 21.06.2019 20:00

Baku 2019 - Festivali Olimpik Evropian për të rinj

Hapja 20.07.2019 20:00

San Diego 2019 - Lojërat Botërore në rërë

Hapja Tetor 2019

Lozana 2020 - Lojërat Olimpike Dimërore për të rinj

Hapja 10.01.2020 10:00

Tokyo 2020 - Lojërat Olimpike

Hapja 24.7.2020 10:00

Albin Tahiri, doli i 74-ti nga 107 garues në Kupën Evropiane, e quan garën test para Kampionatit Botëror

06.01.2018 19:22:23

Skitari ynë, Albin Tahiri, ka garuar sot në disiplinën Super G të Kupës Evropiane, të mbajtur në Wengen të Zvicrës.
Garuesi ynë doli i 74-ti nga 107 pjesëmarrës.
Tahiri e quajti garën tejet të vështirë, duke thënë se për të më shumë shërbeu si një test para garave për Kampionatin Botëror, që mbahen javën e ardhshme në të njëjtin vend.
"Ishte garë vërtetë e vështirë. Fillova i 107-ti, dhe përfundova i 74-ti. Shtegu në Wengen është vërtetë i vështirë dhe pasi ishte gara ime e parë këtë vit, nuk doja të rrezikoja shumë. Kisha shumë rezerva veçanërisht në pjesën e sipërme, ku isha më i ngadaltë. Në pjesën e poshtme isha më i shpejtë", tha Tahiri për faqen zyrtare të KOK-ut, "noc-kosovo.org".
Sidoqoftë, ai është i kënaqur me paraqitjen.
"E kam marrë garën e sotme më shumë si stërvitje të mirë para Kampionatit Botëror dhe për LOD PyeongChang 2018. Me numrin që kisha (107) nuk kisha asnjë shansë për renditje më të mirë, po ashtu shumë garues nuk e mbyllën garën", shtoi 28-vjeçari, Albin Tahiri.
Kujtojmë që Albini ka fituar normën olimpike LOD PyeongChang 2018 në pesë disiplina.
Në ditët në vijim, skitarët e Kosovës do të marrin pjesë në përgatitje dhe në tri gara që do të mbahen në Iran dhe në Austri.
Sipas pritshmërive të ekspertëve të Federatës Skitare të Kosovës, ndonjëra nga garueset tona mund të arrijë normën olimpike.
Skitarët tanë janë të mbështetur financiarisht nga Komiteti Olimpik i Kosovës.

Medaljet e fituara në Lojërat Olimpike

Kosova për herë të parë mori pjesë në Lojërat Olimpike “RIO 2016”. Medaljen e artë e ka fituar xhudistja, Majlinda Kelmendi, në kategorinë deri 52 kilogram.
1
0
0