Media sponsor

Sarajevo 2019 - Festivali Olimpik Evropian Dimëror për të rinj

Hapja 09.02.2019 20:00

Minsk 2019 - Lojërat Evropiane

Hapja 21.06.2019 20:00

Baku 2019 - Festivali Olimpik Evropian për të rinj

Hapja 20.07.2019 20:00

San Diego 2019 - Lojërat Botërore në rërë

Hapja Tetor 2019

Lozana 2020 - Lojërat Olimpike Dimërore për të rinj

Hapja 10.01.2020 10:00

Tokyo 2020 - Lojërat Olimpike

Hapja 24.7.2020 10:00

Vendimet e BE të KOK-ut: Herolind Nishevci bartë flamurin në hapjen e LM Tarragona 2018, miratohet maskota e Kosovës

21.06.2018 00:35:56

Është mbajtur të mërkurën pasdite mbledhja e 20-të e Bordit Ekzekutiv të Komitetit Olimpik të Kosovës (KOK), e cila nisi me një minutë heshtje në nderim të legjendës së futbollit, Fadil Vokrri, i cili ishte nënpresident i KOK-ut.
Kryetari i Federatës së Futbollit të Kosovës, Fadil Vokrri, u nda nga jeta më 9 qershor 2018, pas një sulmi në zemër.
Më pas, Bordi Ekzekutiv shqyrtoi pika të ndryshme të rendit të ditës.
U diskutuan përgatitjet e fundit për Lojërat Mesdhetare Tarragona 2018, derisa u vendos që flamurin e Kosovës në ceremoninë hapëse të LM ta bartë karateisti, Herolind Nishevci. Në ceremoninë hapëse do të mungojë ekipi i xhudos, të cilët për shkak të orarit të garave do të udhëtojnë më vonë.
Po ashtu, u shqyrtuan edhe përgatitjet për Lojërat Olimpike për të rinj, Buenos Aires 2018, në të cilat Kosova është shumë afër normës së parë Olimpike me xhudisten, Erza Muminoviq. Edhe sportistë të sporteve të ndryshme, janë duke garuar në gara të ndryshme për të fituar normën Olimpike.
Një pikë e veçantë ishte maskota e Kosovës, të cilën e miratoi BE. KOK-u iu bashkua Komiteteve tjera Olimpike të Evropës dhe botës, të cilat identifikohen me maskotat e tyre.
Kosova si maskotë të saj do të ketë Qenin e Sharrit, i cili ndryshe njihet si qen autokton në Ilirinë antike. Në historinë e Ilirisë, Qeni i Sharrit është njohur me emrin Qeni Dardan.
BE diskutoi dhe mori vendime edhe për çështje tjera të Rendit të Ditës.
 

Medaljet e fituara në Lojërat Olimpike

Kosova për herë të parë mori pjesë në Lojërat Olimpike “RIO 2016”. Medaljen e artë e ka fituar xhudistja, Majlinda Kelmendi, në kategorinë deri 52 kilogram.
1
0
0